ఎవరైనా ప్రముఖులు లేదా ఉన్నతాధికారులు వస్తే బొకేలు, శాలువాలతో ఘన స్వాగతం పలకడం మనకు సర్వసాధారణం. కానీ ఆ సంప్రదాయానికి భిన్నంగా తమిళనాడు ముఖ్యమంత్రి విజయ్ కొత్త సందేశాన్ని ఇచ్చారు. తనను కలిసేందుకు వచ్చే వారు బొకేలు, శాలువాలు తీసుకురావద్దని, ఆ ఖర్చుతో పేద విద్యార్థుల చదువులకు సహాయం చేయాలని సూచించారు.
ఈ ఆలోచనను ప్రముఖ నటుడు విశాల్ ఆచరణలో పెట్టారు. ఇటీవల సీఎం విజయ్ను కలిసిన ఆయన పూలగుత్తి లేదా శాలువా తీసుకురాకుండా, 12వ తరగతి ఉత్తీర్ణులైన ముగ్గురు బాలికల డిగ్రీ విద్యకు తాను ఆర్థిక సహాయం చేస్తున్నట్లు తెలిపే పత్రాలను అందజేశారు. విశాల్ చర్యను సీఎం విజయ్ అభినందించినట్లు తెలుస్తోంది.
నిద్రలో కండరాలు పట్టేస్తున్నాయా? కారణాలు, నివారణ మార్గాలు, ఎప్పుడు వైద్యుడిని సంప్రదించాలి?
ఇదిలా ఉండగా, తమిళనాడు రైతులకు సంక్రాంతి కానుకగా ప్రభుత్వం మరో కీలక నిర్ణయం తీసుకుంది. రూ.75 వేల లోపు ఉన్న వ్యవసాయ రుణాలను పూర్తిగా మాఫీ చేస్తున్నట్లు ప్రకటించింది. ఆ మొత్తాన్ని ప్రభుత్వం బ్యాంకులకు చెల్లించనుంది. రూ.75 వేలకుపైగా రుణం ఉన్న వారికి కూడా కొంత మేర ఉపశమనం కల్పించే చర్యలు చేపట్టనున్నట్లు సమాచారం.
ఈ నిర్ణయంతో సుమారు 14.5 లక్షల మంది రైతులు లబ్ధి పొందనున్నారని అంచనా. దీనివల్ల ప్రభుత్వంపై దాదాపు రూ.6 వేల కోట్ల ఆర్థిక భారం పడనున్నప్పటికీ, ఎన్నికల సమయంలో ఇచ్చిన హామీని నిలబెట్టుకున్నట్లయ్యిందని విశ్లేషకులు పేర్కొంటున్నారు.
కేంద్ర ప్రభుత్వ కొత్త పథకం.. 300 యూనిట్ల వరకు కరెంట్ ఫ్రీ.
అలాగే రాష్ట్రంలోని ప్రైవేట్ పాఠశాలల ఫీజుల నియంత్రణపై కూడా ప్రభుత్వం దృష్టి సారించింది. ఏ తరగతికి ఎంత ఫీజు వసూలు చేయాలనే అంశంపై స్పష్టమైన నిబంధనలు తీసుకురావడంతో పాటు, వాటిని ఉల్లంఘించే విద్యాసంస్థలపై కఠిన చర్యలు తీసుకుంటామని హెచ్చరించింది.
రాజకీయాల్లో కొత్త అయినప్పటికీ, ప్రజా సంక్షేమ కార్యక్రమాలు, విద్యా ప్రోత్సాహక చర్యలు, రైతు సంక్షేమ నిర్ణయాలతో సీఎం విజయ్ తన ప్రత్యేకతను చాటుకుంటున్నారని రాజకీయ వర్గాలు అభిప్రాయపడుతున్నాయి.
లివర్ ని శుభ్రం చేసే పవర్ ఫుల్ డ్రింక్.
