గాంధీ జయంతి సందర్భంగా అక్టోబర్ 2న భారత క్రీడా రంగంలో అద్భుతమైన విజయాలు నమోదయ్యాయి. జపాన్‌లో జరుగుతున్న ఆసియా గేమ్స్‌లో భారత క్రీడాకారులు ఒకే రోజున ఏకంగా ఆరు స్వర్ణ పతకాలను సాధించి దేశానికి గర్వకారణంగా నిలిచారు. హాకీ, బాక్సింగ్, రెజ్లింగ్, ఆర్చరీ క్రీడల్లో భారత ఆటగాళ్లు సత్తా చాటారు.
మహిళల హాకీ ఫైనల్‌లో చైనాపై విజయం సాధించిన భారత జట్టు స్వర్ణ పతకాన్ని కైవసం చేసుకుంది. ఈ విజయంతో ఆసియా గేమ్స్ మహిళల హాకీలో 44 ఏళ్ల తర్వాత భారత్‌కు మరోసారి బంగారు పతకం దక్కింది. అంతేకాకుండా 2028 లాస్ ఏంజెల్స్ ఒలింపిక్స్‌కు భారత మహిళల హాకీ జట్టు నేరుగా అర్హత సాధించింది.
ALSO READ: ఫ్రీ రాడికల్స్ నుంచి శరీరాన్ని కాపాడుకోవాలంటే.. యాంటీఆక్సిడెంట్ ఆహారాలు ఇవే
బాక్సింగ్‌లో భారత్‌కు మూడు స్వర్ణాలు లభించాయి. లవ్లీనా బోర్గోహైన్ తన పుట్టినరోజునే బరిలోకి దిగి స్వర్ణం సాధించడం ప్రత్యేక ఆకర్షణగా నిలిచింది. అదే విభాగంలో అంకుష్ పంగాల్, పర్వీన్ హూడా కూడా పసిడి పతకాలు సాధించారు.
రెజ్లింగ్‌లో సుజిత్ కల్కల్ స్వర్ణ పతకాన్ని అందుకోగా, ఆర్చరీలో మహిళల రికర్వ్ జట్టు కూడా అద్భుత ప్రదర్శనతో బంగారు పతకాన్ని గెలుచుకుంది. ఆసియా గేమ్స్ చరిత్రలో మహిళల రికర్వ్ జట్టుకు ఇదే తొలి స్వర్ణం కావడం విశేషం.
ALSO READ: Adaso Kapesa: ప్రధాని మోడీని నీడలా రక్షించే తొలి మహిళా ఎస్పీజీ కమాండో ఎవరో తెలుసా?
మొత్తంగా ఒకే రోజున నాలుగు క్రీడల్లో ఆరు స్వర్ణాలు సాధించడంతో అక్టోబర్ 2 భారత క్రీడా చరిత్రలో ప్రత్యేక రోజుగా నిలిచింది. గాంధీ జయంతి రోజున భారత క్రీడాకారుల విజయాలతో ఆ రోజు నిజంగానే దేశానికి ‘గోల్డెన్ డే’గా మారింది.