తెలంగాణ రాష్ట్రంలో మహిళల సాధికారతను పెంపొందించేందుకు ప్రభుత్వం పలు కీలక కార్యక్రమాలు చేపడుతోందని రాష్ట్ర ప్రభుత్వం తెలిపింది. స్వయం సహాయక సంఘాల మహిళలు తయారు చేస్తున్న ఉత్పత్తులను అంతర్జాతీయ స్థాయిలో మార్కెట్ చేయడానికి ప్రముఖ ఈ-కామర్స్ సంస్థ అమెజాన్తో ప్రభుత్వం ఒప్పందం కుదుర్చుకుంది. దీని ద్వారా గ్రామీణ మహిళలు తయారు చేసే వస్తువులకు ప్రపంచవ్యాప్తంగా మార్కెట్ అవకాశాలు లభిస్తాయని అధికారులు పేర్కొన్నారు.
అదే విధంగా సోలార్ రంగంలో కూడా మహిళలకు అవకాశాలు కల్పిస్తున్నామని ప్రభుత్వం తెలిపింది. రాష్ట్రంలోని స్వయం సహాయక సంఘాల మహిళలు సుమారు 1000 మెగావాట్ల సోలార్ విద్యుత్ ఉత్పత్తి చేసి విద్యుత్ శాఖకు విక్రయించేలా ప్రోత్సహిస్తున్నామని వెల్లడించింది. ఈ కార్యక్రమం ద్వారా మహిళలు పెద్ద పారిశ్రామిక వేత్తలతో పోటీ పడే స్థాయికి ఎదగాలని లక్ష్యంగా పెట్టుకున్నట్లు తెలిపారు.
నిద్ర కంటి నిండా హాయిగా పట్టాలంటే……
రవాణా రంగంలో కూడా మహిళల భాగస్వామ్యాన్ని పెంచే చర్యలు తీసుకుంటున్నారు. మహిళలకు ఆర్టీసీ బస్సుల్లో ఉచిత ప్రయాణం కల్పించడంతో పాటు, స్వయం సహాయక సంఘాల మహిళలకు 1000 బస్సుల యాజమాన్యాన్ని ఇచ్చి వాటిని ఆర్టీసీ ద్వారా నడిపించే అవకాశం కల్పిస్తున్నట్లు ప్రభుత్వం తెలిపింది. దీని ద్వారా మహిళలకు స్థిరమైన ఆదాయం కల్పించడమే లక్ష్యమని అధికారులు చెప్పారు.
అదేవిధంగా రాష్ట్రంలోని పలు జిల్లాల్లో ప్రభుత్వ భూములను కేటాయించి మహిళలు స్వయంగా పెట్రోల్ బంకులు నిర్వహించేలా ప్రోత్సహిస్తున్నారు. మహిళలు ఆర్థికంగా స్వావలంబన సాధించేందుకు ఇలాంటి కార్యక్రమాలు కొనసాగిస్తున్నామని ప్రభుత్వం పేర్కొంది.
కారుకు దారి ఇవ్వలేదని వ్యక్తిని కొట్టిన సర్పంచ్ భర్త.
మహిళల గౌరవార్థం దేశంలోనే తొలిసారిగా మహిళా విశ్వవిద్యాలయానికి వీరనారి చాకలి ఐలమ్మ పేరు పెట్టినట్లు కూడా ప్రభుత్వం గుర్తుచేసింది. అలాగే తెలంగాణ రాష్ట్ర పరిపాలనలో కూడా మహిళలకు కీలక బాధ్యతలు అప్పగించినట్లు తెలిపింది. పలు శాఖల్లో ఉన్నతాధికారులుగా మహిళలు సేవలు అందిస్తున్నారని పేర్కొన్నారు.
మహిళల ఆర్థిక అభివృద్ధితో పాటు వారి భద్రత కూడా అత్యంత ముఖ్యమని ప్రభుత్వం స్పష్టం చేసింది. తెలంగాణను దేశంలోనే మహిళలకు అత్యంత సురక్షిత రాష్ట్రంగా తీర్చిదిద్దే దిశగా చర్యలు తీసుకుంటున్నామని తెలిపింది. మహిళల రక్షణలో యువత కూడా భాగస్వాములు కావాలని పిలుపునిచ్చింది.
ఆయుష్షు పెరిగి బాడీ లో కొవ్వు లేకుండా ఫిట్ గా ఉండాలంటే…
సమాజంలో మహిళలు విద్య, ఉపాధి, వ్యాపార రంగాల్లో ముందుకు రావాలంటే భద్రతతో కూడిన వాతావరణం అవసరమని ప్రభుత్వం అభిప్రాయపడింది. మహిళలపై జరిగే నేరాలను అరికట్టేందుకు సైబర్ క్రైమ్ సహా అన్ని విభాగాలను బలోపేతం చేస్తున్నామని అధికారులు తెలిపారు. సమాజంలోని ప్రతి ఒక్కరూ బాధ్యతగా స్పందించి మహిళలకు అండగా నిలబడితేనే నిజమైన మార్పు సాధ్యమవుతుందని ప్రభుత్వం పేర్కొంది.
